Vetrarstarf BEST komið á fullt skrið að loknu sumri.

Nú erum við loks öll byrjuð aftur í skólanum eftir gott sumar og starfið hérna heima komið á fullt skrið. Það er margt spennandi framundan á komandi ári og fjölbreytt verkefni verða í gangi í allan vetur fyrir þá sem vilja taka þátt.

Við byrjuðum haustið á að styrkja BEST hópinn hérna heima með námskeiðum í mannauðsstjórnun og fundarhaldi með hjálp BEST-þjálfara frá Rússlandi. Til að þjappa hópnum enn betur saman skemmtum við okkur hressilega á íslenskan máta með því að skella okkur í Réttir og enduðum kvöldið á alvöru gítarpartýi þar sem var sungið fram á nótt :)

18. September 2009 kl. 12:22 | Stjórnin